யானையும் தேரும்!

http://www.vikatan.com/article.php?aid=15146&sid=420&mid=1&uid=32965&# யானையும் தேரும்!..

சினிமா மற்றும் விளம்பரப் பட இரட்டை இயக்குநர்கள் ஜேடி-ஜெர்ரி இருவரும் தங்கள் தந்தையரின் நினைவாகத் தொடங்கி உள்ள ‘ராபர்ட் -ஆரோக்கியம் அறக்கட்டளை’ சார்பில் ஒவ்வோர் ஆண்டும் ‘சாரல் விருது’ வழங்குவது வழக்கம். இந்த ஆண்டு எழுத்தாளர்கள் வண்ணநிலவனுக்கும் வண்ணதாசனுக்கும் அந்த விருது வழங்கப்பட்டன. தேவ நேயப்பாவணர் நூலக அரங் கில் நடைபெற்ற விழாவில் இயக்கு நர் ஜேடி, ”வண்ணதாசனும் வண்ணநிலவனும் எங்கள் விருப்பத்துக்கு உரிய எழுத்தாளர்கள். இவர்களுடைய ‘கம்மா நதி, ரெய்னீஸ் அய்யர் தெரு, கலைக்க முடியாத ஒப்பனை, வீட்டுக்கு வெளியே சில பூக்கள்’ போன்ற கதைகள் தந்த அனுபவம் சுவராஸ்யமானவை. வாழ்க்கையை, அதன் வீரியத்தை, சந்தோஷத்தை, உறவின் மீதான நம்பிக்கைகளை இந்தக் கதைகள் கற்றுத் தந்தன’  என நெகிழ்ந்தார்.

நாஞ்சில் நாடன் பேசும்போது, ”வண்ணநிலவன், வண்ணதாசனின் வருகைக்குப் பிறகு 10 வருடம் கழித்தே நான் எழுத ஆரம்பித்தேன். இவர்கள் பாதிப்பில் பல கதைகளை எழுதி இருக்கிறேன்” என்றார்.

எஸ்.ராமகிருஷ்ணன் பேசும்போது, ”இருவரும் தாமிரபரணி ஆற்றங்கரையில் வளர்ந்தவர்கள். இவர் ஒரு கரை என்றால் அவர் மறு கரை. வண்ணநிலவன் யானை. வண்ணதாசன் தேர். வண்ணநிலவன் எழுதிவிட்ட இடத்தில் இருந்துதான் நான் எழுதத் தொடங்கினேன்” என்றார்.

இயக்குநர் ஜெர்ரி தன்னுடைய நன்றி உரையில், ”20 வருடங்களுக்கு முன் ‘விமர்சனா’ என்ற இலக்கிய அமைப்புக்கு நான் பொறுப் பாளர். அதுவே இப்போது சாரல் விருதாக உருமாறி இருக்கிறது” என்று பேசி முடித்தார்!

-பா.பற்குணன்