ஒரு மரம், ஒரு பறவை, ஒரு மனிதன்

ஒரு முழுத் தென்னங்கீற்றுத் தோகையில், சற்றுப் பிய்ந்த ஒரே ஒரு கீற்று மட்டும் காற்றில் ஒரு பெரு நடனமிட்டு, அதன் ஊழியை அது அறிந்து ஊர்த்துவமிட்டதை எங்கள் நிலக்கோட்டை வாடகை வீட்டுத் தென்னையில் பார்த்திருக்கிறேன். ஆயிரக் கணக்கான அடர் இலைகளுடன் கவிந்து நிற்கும் ஒரு அரசமரத்தின் ஒற்றை இலை மட்டும் தன் மொத்த ஜீவனுடன் சிலிர்ப்பதை, அதன் மேல் பசுமை மினுமினுப்பதை, அது மிகுந்த நிம்மதியுடன் இருப்பதையெல்லாம் நான் அந்தத் தென்னங்கீற்றின் இருப்பின் வழியும் தவிப்பின் வழியும் அறிந்திருக்கிறேன்…….வண்ணதாசன்