இலக்கியமோ, கலையோ, தத்துவமோ, மனிதர்களை ஒன்றிணைக்க வேண்டும். எந்த நுட்பத்தை முன்னிருத்தியும் இறுகக் கட்டிய மாலையிலிருந்து அது பூவை உருவக் கூடாது. காற்றும் நீரும் வெற்றிடங்களை நிரப்பி விடுகின்றன. நல்ல வாழ்வும் அதைத்தான் செய்யும். .
நான் உணர்வதைத்தானே நான் எழுதவும் வேண்டும். மனத்தில் தோன்றியதை எழுதிவிட்டேன். சேறுமில்லை, சந்தனமுமில்லை. அவரவர் கை மணல் இது.
வண்ணதாசன், எஸ்.கல்யாணசுந்தரம்,கல்யாண்ஜி. நவீன தமிழ்ச்சிறுகதை உலகின் முடிசூடா மன்னன். திருநெல்வேலி..சொந்த ஊராய் இருந்தாலும்…
நம் அனைவருக்கும் சொந்தமானவர்.
இலக்கியச்சிந்தனை உள்ளிட்ட பல விருதுகளைப் பெற்றவர் எழுத்தாளர்கள் வரிசையில் முன்னால் நின்றுக்கொண்டிருப்பவர்.
…………………………..வண்ணதாசன்
வண்ணதாசன் 
அருமை.
தோப்பில் மீரான் வாசிக்கப்பட வேண்டிய எழுத்துத்தான். கிணற்றுத்தண்ணீர் பாய்ச்சி வளர்கிற கீரைப்பாத்தி மாதிரி ரொம்பவும் அசலும் ஜீவனுமிக்க எழுத்து. தன் ஞாபகம் இல்லாதவன் தான் கலைஞன். மீரானுக்குத் துளிகூட இல்லை. தன்னை மறந்து அப்படியே லயித்துக் காரியம் ஆற்றியிருக்கிறார். இந்த மனம் இந்தக் காலத்தில் அபூர்வமானது. எல்லாப் படைப்பாளிகளிடமும் இருக்க வேண்டியது.அநேகமாக காணாமல் போய்விட்ட ஒன்று.அருகிக் கொண்டே வருகிற அபூர்வபறவை மாதிரி அது.
-வண்ணதாசன்.
அற்புதமான வரிகள். பகிர்விற்கு நன்றி.